Նիհարներին ինչպե՞ս գիրանալ

Թև կանակց մեծ մասի համար կարևոր հոգսը մարմնի ավելորդ զանգվածից ազատվելն է, այնուամենայնիվ, կան կանայք, և նրանք քիչ չեն , որոնց համար գոյություն ունի հակառակ պրոբլեմը` ինչպես գիրանալ: Դրանք այն կանայք են, ում մարմնի զանգվածը բավականին ցածր է նորմայից:

Մարմնի փոքր զանգված ունեցող կանանց համար բնորոշ է ենթամաշկային ճարպային հյուսվածքի չափավոր քանակությունը:

Որո՞նք են այդպիսի վիճակների պատճառները: Ամենից առաջ պետք է նշել այսպես կոչված կազմվածքային նիհարության գոյությունը: Երիտասարդ տարիքում որոշ կանայք էներգիա շատ են ծախսում, և միևնույն ժամանակ չգիրանալու համար գիտակցաբար ընդունում են անբավարար քանակությամբ սնունդ:

Որոշ կանայք, որոնք բոլորովին վերջերս առողջ էին և ունեին մարմնի նորմալ զանգված, անսպասելիորեն սկսում են նիհարել և, թեև սնվում են լավ, մի քանի ամսվա ընթացքում խիստ կորցնում են մարմնի զանգվածը: Դրա հետ մեկտեղ նրանք դառնում են լալկան, ջղային, խոնավ աչքերով: Այդպիսի վիճակը կապված է վահանաձև գեղձի ուժեղացած գործունեության հետ (գանգատվում են պարանոցի ցածի մասում):

Մարմնի զանգվածի շարունակաբար պակասելը անբարենպաստ ազդեցություն է թողնում կնոջ հոգեկան վիճակի վրա:

Եթե մարմնի զանգվածի պակասելը կապված չէ ներքին հիվանդությունների հետ, դիետան մարմնի նորմալ զանգվածը վերականգնելու գլխավոր միջոցն է: Այն պետք է հագեցած լինի կենդանական սպիտակուցներով (կովի կարագ, թթվասեր, ճարպ, խոզի միս), օսլայով (հաց, խմորեղեն, բրինձ, կարտոֆիլ և այլն), շաքարով (քաղցրեղեն, կոնֆետներ, շոկոլադ, դոնդող և այլն): Խորհուրդ է տրվում նաև դեղնուցներ: Շատ օգտակար են նաև պտուղները` անտառի և սովորական ընկույզը, պիստակը և այլն:

Միսը, երշիկը և ձուկը ընդունում են քիչ քանակությամբ: Օգտակար են նաև ընդհանուր ամրացնող դեղամիջոցները` արսենֆերատոլը, վիտամին B12-ը և այլն: Երկար ժամանակ ընդունվում են նաև հանգստացնող դեղեր:Այս ամենը բժշկի հսկողությամբ:

Ընդհանուր ապրելակերպը` պակասեցված ակտիվ շարժողական ռեժիմ, ֆիզիկական և մտավոր հանգիստ:

Հետևեք ձեր առողջությանը

Հարցեր, պատասխաններ, մեկնաբանություններ